السبت، 3 فبراير 2018

تفعيل خاصية حماية صورة الملف الشخصي علي فيسبوك

تفعيل ميزة حماية الصورة الشخصية

برحب بيكم يا شباب معانا في شرح جديد علي مدونة مستر يوتيوبر، سواء كنت شاهدت الفيديو أو لا فعلي كل حال هنشرح مع بعض شرح بسيط ومفصل عشان تفعل الحماية بطريقة صحيحة وأضمنها بنفسي بنسبة ١٠٠% فتابعوا معايا.

-أولا هنحتاج برنامج vpn وتختار سيرفر هندي وركز معايا تاني بقولك تختار سيرفر هندي.
بالنسبة للناس اللي مش عارفين يعني ايه vpn الفي بي إن هي عبارة عن برنامج أو إعدادات بتقوم بيها بنفسك أو بتحملها من علي النت بتغيرلك مكان إتصالك بالنت، بمعني إنك مثلا لو متصل بالنت من مصر وفعلت في بي إن أمريكي فدا معناه إنك حاليا متصل من أمريكا مش من مصر. دا كان شرح بسيط عشان الناس تفهم الموضوع مش أكتر.
-تقدر تحمل أفضل برنامج vpn علي البلاي ستور وعن تجربة شخصية اضغط DOWNLAOD

-بعد تفعيل ال vpn وتختار سيرفر هندي بتروح تفتح الفيس بوك من المتصفح بتاعك وركز في النقطة دي إحنا بنقول المتصفح مش البرنامج.

بتسجل حساب جديد ولو مش عاوز تسجل بالبريد بتاعك ممكن تسجل ببريد مؤقت بيختفي بعد ساعة وبتقدر خلال الساعة تستقبل رسايل وأكواد تفعيل عليه واضغط الرابط ده عشان تعمل بريد مؤقت، بعد لما تفعل الحساب وأول لما الفيس بوك بيفتح معاك لأول مرة بتلاقي علي الشاشة بيقولك هل تريد تفعيل ميزة حماية صورة الملف الشخصي بتقوله تفعيل وبتضيف صورتك عادي جدا.
أما لو الاختيار دا مظهرش معاك فعادي بتروح البروفايل بتاعك وبتضغط علي صورتك الشخصية وأكيد هتلاقيه بيقولك اضافة ميزة حماية الصورة الشخصية.

بس كان دا شرحنا النهارده متنساش تشترك في المدونة عشان يوصلك تنبيه بكل جديد بنزله ❤

ليست هناك تعليقات:

إرسال تعليق