كيف تختار طبيبك؟
| 03 يونيو 2008
مما لا شك فيه - عزيزى زائر الموقع- أن صحتنا هى أغلى ما عندنا من نعم الله عز وجل
وهى رأس مالنا الذى نملكه ويمكننا من أن نعيش ونسعى فى حياتنا
من هنا تأتى أهمية سؤالنا
كيف تختار طبيبك؟
هناك بعض الناس يظنون السؤال سهلا
وليس الموضوع مشكلة
لكنه فعلا سؤال هام
لأنك لو اخترت الطبيب الأفضل
فإن هذا سيوفر عليك المال والوقت والقلق
والأهم
ستتمتع بصحة وعافية
إذا الموضوع مهم
طيب كيف نختار الطبيب إن احتجنا إليه, شفى الله الجميع؟
أولا لتقييم الطبيب يجب أن نعرف ما هى عناصر التقييم
{mosloadposition advert2}
عناصر تقييم الطبيب:
1-المستوى العلمى
2-الخبرات: أين وكم سنين الخبرة
3-الصفات الشخصية للطبيب
4-تنظيم الطبيب لعمله
5-سمعة الطبيب
قبل ماننتقل لشرح كل نقطة على حدة
عايزين نتفق على حاجة:
التقييم للطبيب بيكون تجميع للخمس نقط مع بعض
مش عشان نقطة واحدة منهم
بالنسبة للنقطة الأولى وهى المستوى العلمى للطبيب:
تعلم عزيزى زائر الموقع أن التعليم الطبى يسير 7 سنوات داخل كلية الطب
ليحصل الخريج على لقب طبيب (بكالوريوس الطب)
{mospagebreak}
مرحلة أخرى وهى الدبلومة -أودبلومة الدراسات العليا- وتكون فى تخصص معين
بعدها يأتى الماجستير
ثم الدكتوراة
فهناك بالتالى نوعان من الأطباء
النوع الأول وهو أساتذة الجامعة من حملة الماجستير والدكتوراة
أو يكون أستاذا مساعدا فأستاذا بكلية الطب
والنوع الثانى هو الأطباء الباقين وهم الأغلبية
منهم أيضا من يحمل الماجستير أو الدكتوراة
او الزمالة البريطانية
أو غيرها
لكن
لايمكن ان نقارن بين من يحمل أعلى الدرجات العلمية
ومن يعمل ببكالوريوس الطب
طيب نعرفها إزاى؟
{mosloadposition advert2}
بسيطة جداً
لما تدخل العيادة اتفرج على الشهادات المتعلقة ع الحيط
مبتعرفش إنجليزى؟
مش مهم يا سيدى
دور على شهادة التخرج
من حامعة إيه؟
وهتلاقى جنبها أى شهادات تانية
وعموما لما دكتور بياخد ماجستير أو دكتوراة
أو الزمالة البريطانية
بيكتبها وبيبقى فخور بيها
يبقى خلاصة الموضوع لو تقدر تروح لدكتور فى الجامعة أفضل مع احترامنا لباقى الأطباء
والطبيب اللى معاه دكتوراة
أحسن من اللى معاة الماجستير
وإياك تروح لواحد بكالوريوس طب والسلام
{mospagebreak}
النقطة الثانية, وهى الخبرات:
ودى نقطة مهمة فى كل أصحاب المهن الحرة
وطبعا كفاءة طبيب بيشتغل من 10 سنين مش زى كفاءة طبيب سنة واحدة
ده بالنسبة للخبرات ككم
يعنى كعدد سنين
لكن يفضل الكيف
أو بمعنى آخر, أين كانت تلك الخبرات
يعنى لو طبيب خبرتة سنتين يبقى أقل من طبيب خبرتة 10 سنين؟
لا
مش شرط
لأن خبرة طبيب فى مسنشفى جامعى سنة واحدة
أعلى من خبرة طيبيب 15 سنة فى وحدة صحية محدش بيروحها
يبقى بالنسبة لموضوع الخبرة ياريت نعرف الدكتور بيشتغل فين الصبح
وبقاله كام سنة
طيب هنعرف إزاى؟
{mosloadposition advert2}
بسيطة جدا
اسأل الممرضة فى العيادة
حبايبك
معارفك فى المنطقة
وهكذا
ومتتكسفش وانت بتسأل
دى اسئلة مش عيب ولا حرام
النقطة التالتة
من أهم مايمكن
بتعرف تفرز الناس؟
يبقى هتعرف تفرز الدكتور بتاعك
لأن الدكتور برضه
ناس
يعنى لو دكتور بيسمعك
وبيتكلم معاك عن شكواك أكيد أفضل من واحد عاوز يقولك اتفضل
خلصنى
الطبيب زمان كان اسمه الحكيم
ولودكتور سمع كويس لمريضه
يبقى هيعرف يشخص صح
والمريض نفسه بيرتاح لما يتكلم
احنا شرقيين بطبعنا
يبقى لو دكتور حسيت إنه بيقلبك
ومش عايز يسمع
متروحلوش تانى
ومتخليش حد يروحله
بس مش معنى كده إنك تحكيله فى كلام خارج الموضوع برضه
{mospagebreak}
الدكتور المتأنق فى نفسه
بيلبس كويس
هادى
بيسمعك
بترتاحله
أحسن من الدكتور المهمل فى مظهره
العصبى
المرووش
نصف العلاج والتحسن بيحصل فى عملية الكشف صدقونى
بالنسبة للنقطة الرابعة, وهى تنظيم الطبيب لعمله
مهمة
عشان شخصيتة برضه
هو إحنا هنناسبه؟
لأ
بس شخصيته هتأثر على عمله
وعلى احترام المريض ليه
وعلى اقتناع المريض بيه
وبالتالى على سرعة الشفاء
يعنى عيادة ألوانها محترمة
منظمة
إضاءتها جيدة
مريحة
أكيد بتعبر عن شخصية صاحبها
{mosloadposition advert2}
وأكيد برضه لما تدخل عيادة فيها لمبه محروقة فى الصالة
والأرض مش نضيفة
والممرضة بتزعقلك
أكيد شخص الطبيب دة مش هيقنعك
ومش هترتاح لدواه
حتى لو كان أعظم طبيب فى الدنيا
النقطة الخامسة
سمعة الطبيب
مهمة
لكنى وضعتها فى النقطة الاخيرة
لأننا كمصريين
أو عرب
أو شرقيين
أحكامنا عاطفية شوية
ومش عقلانية
يعنى لوحد راضيين عنه
نقول علية شعر
والعكس صحيح
فانت اسأل على الدكتور
معارفك
والناس
لكن راعى إننا أحكامنا مش عادلة جدا
فيه حاجة أخيرة
تقييم الطبيب لايخضع لعنصر واحد فقط مما قلناه
لكن يخضع لكل النقاط التى قلناها
يعنى
لا نستغنى عن سنين الخبرة
بإننا نروح لدكتور صغير فى السن وشاطر
أو معيد فى كلية الطب
معى تحياتى
دكتور / حسام يوسف
هذه نسخة تجريبية, من فضلك إذا كان لديك ملاحظات أو اقتراحات أو شكاوى, إرسلها لنا من خلال صفحة اتصل بنا