الرئيسية

تسجيل الدخول
هل فقدت كلمة المرور؟
ليس لديك حساب سجل الآن

تجارب كتبها/كتبتها 7akim 3ion

شركة الشرفاء لإلحاق العمالة المصرية بالخارج

13 من 16 الناس أفادتهم هذه التجربة

 شركة الصعايدة, 2008-03-17
المصداقية
نسبة العمولة
فعلا دة المفروض يكون اسم الشركة اولا احب ان اشرح ليكم تجربتي بالتفصيل مع الناس دي عشان الشباب الغلبان يتعظ ومينضحكش علية  
انا عرفت الشركة دي عن طريق وسيط و للاسف كان قريبي واتضح لي في الاخر انة هو كمان انضحك علية  
في الاول انا مدرس تربية رياضية ومتزوج كنت ابحث عن عمل في الخليج انا وزوجتي عرضوا عليا وظيفة مدرس تربية رياضية في الامارات في ابوظبي براتب 3000 درهم وكمان وفروا ليا وظيفة لزوجتي مشرفة في جمعية خيرية للمعاقين بمرتب 2500 درهم على نفس الكفيل و كمان ضمنوا ليا توفير السكن ويكون سكن عائلي يعني انا وزوجتي  
طبعا الكلام جميل جدا مين يلاقي عرض زي دة ويسيبة  
المهم طلبو عمولة 8500 للفرد الواحد يندفع منهم 5000 الاول مقدم و الباقي بعد استلام التأشيرة المهم دفعت 10000 جنية انا و زوجتي في شهر 9 اللي فات وقالولي ان التأشيرات هتيجي بعد ثلاثة شهور يعني على اول شهر و احد هتكون التاشيرات موجودة قولت ماشي طبعا صبرت لحد ما خلصوا الثلاثة شهور وبعدها بدأ القرف كلة اولا مفيش حد في السادة الشيوخ القذافي او محمد او احمد بيرد على اي تليفون للاسف تضطر انك تروح الشركة هناك وتتفاهم ولما تروح يقولك و الله و يحلف ان التاشيرات جاية الاسبوع الجاي وييجي الاسبوع الجاي و اللي بعدة و اللي بعدة وبردة مفيش تاشيرات وفي اخر ما الواحد زهق طلبت الفلوس بتاعتي شوف بقي الوش التاني و البودي جاردات بدأو يظهروا واخدنا اشواط كتيرة لحد ما اخدت فلوسي الاسبوع اللي فات الحمد لله  
المشكلة بقي مش في الفلوس المشكلة ان الواحد هيأ نفسة على السفر و للاسف ضاعت الاحلام و كلة طلع اوهام و كنت بنتظر سراب  
ارجع و اقول الحمد لله اني ما سافرتش عن طريق الناس الزبالة دول عشان اللي زي دول لا يعرفوا ربنا ولا عندهم كلمة و لا اي التزام بالمواعيد و الاسم قال ايه صعايدة وكلمتهم واحدة وقال ايه شيوخ الشيخ القذافي و الشيخ محمد و الشيخ احمد ويعرفوا ربنا  
و الله ربنا بريء من الاشكال دي وكمان الصعايدة بريئين من الاشكال دي لان الصعايدة اهل الكرم و الالتزام  
انا بنصح كل شاب انة يخلي بالة من النصابين و الكتير من المكاتب زي دول مش دول بس المهم اننا ناخد بالنا ومحدش يدفع اي مليم غير لما يشوف حاجة حقيقية
أحدث اﻹضافات
أحدث التعليقات



إحصائيات

الأعضاء: 2345
البنود: 3798
المواقع الصديقة: 4
الزوار: 2004756

حكمة اليوم

نمرٌ مفترس أمامك .. خير من ذئب خائن وراءك

اشترك معنا لتتعرف على أحدث الإضافات أسبوعياً






المتواجدون حاليا

يوجد الآن 7 ضيوف و 1 عضو يتصفحون الموقع

مواقيت الصلاة


اﻷكثر مشاهدة

الأعلى تقييما

 

جميع الآراء المكتوبة فى الموقع مسئولية من كتبها, ولا تمثل بالضرورة رأى الموقع